Тэрытарыяльны цэнтр сацыяльнага абслугоўвання насельніцтва Верхнядзвінскага раёна

Дзённы нагляд

Паслуга дзённага нагляду прадастаўляецца непрацаздольным грамадзянам, якія маюць медыцынскія паказанні: траўмы і (або) захворванні і (або) іх наступствы, якія прывялі да ўмеранай (ФК-2), або выяўленай (ФК-3), або рэзка выяўленай (ФК-4) страты здольнасці ажыццяўляць кантроль паводзін, у тым ліку грамадзянам з дэменцыяй, пры наяўнасці медыцынскіх паказанняў і адсутнасці медыцынскіх проціпаказанняў, пры неабходнасці ад 10 да 40 гадзін на тыдзень.

Формы аказання паслугі дзённага нагляду:

• сацыяльнае абслугоўванне на даму памочнікам па доглядзе;
• паўстацыянарнае сацыяльнае абслугоўванне грамадзян (у нашай установе): у аддзяленні дзённага знаходжання для грамадзян пажылога ўзросту і інвалідаў.

Умовы аказання паслугі
Кошт аказання паслугі ў форме сацыяльнага абслугоўвання на даму 1,20 руб. за 1 гадзіну.
Для аказання сацыяльных паслуг грамадзянін (законны прадстаўнік) звяртаецца ў тэрытарыяльны цэнтр сацыяльнага абслугоўвання насельніцтва па месцы фактычнага пражывання.
Сацыяльныя паслугі аказваюцца на падставе дагавора аказання сацыяльных паслуг, заключанага грамадзянінам (законным прадстаўніком) з установай сацыяльнага абслугоўвання альбо ўстановай сацыяльнага абслугоўвання і трэцяй асобай, якая ўзяла на сябе абавязацельствы па аплаце сацыяльных паслуг.

Дакументы, неабходныя для заключэння дагавора на аказанне паслугі:

• пісьмовая заява грамадзяніна;
• дакумент, які сведчыць асобу грамадзяніна;
• пасведчанне ўстаноўленага ўзору аб праве на льготы (пасведчанне інваліда, ветэрана ВАВ і г.п.);
• медыцынская даведка аб стане здароўя (указаны функцыянальны клас па абмежаванні здольнасці да самаабслугоўвання і самастойнага перамяшчэння) (Форма 1здр/у-10).

Работнікі тэрытарыяльнага цэнтра на працягу трох рабочых дзён з дня звароту праводзяць абследаванне ўмоў жыццядзейнасці грамадзяніна са складаннем акта ацэнкі па форме згодна з дадаткам 2 і запытваюць у дзяржаўных органаў і іншых арганізацый:

• звесткі аб памеры атрыманай пенсіі за месяц, папярэдні месяцу падачы заявы аб аказанні сацыяльных паслуг, – для адзінокіх непрацаздольных грамадзян;
• звесткі аб адсутнасці догляду за грамадзянінам, які звярнуўся за аказаннем сацыяльных паслуг, асобай, якая атрымлівае дапамогу па доглядзе за інвалідам I групы альбо асобай, якая дасягнула 80-гадовага ўзросту;
• звесткі аб займаемым у дадзеным населеным пункце жылым памяшканні, месцы жыхарства і складзе сям'і (з указаннем звестак аб месцы жыхарства і складзе сям'і) – у дачыненні да асобы, якая звярнулася за аказаннем сацыяльных паслуг;
• звесткі, якія пацвярджаюць, што грамадзянін, які звярнуўся за аказаннем сацыяльных паслуг, не з'яўляецца атрымальнікам рэнты паводле дагавора рэнты альбо пажыццёвага ўтрымання з іждивеннем (за выключэннем дагавора пажыццёвага ўтрымання з іждивеннем, заключанага з мясцовым выканаўчым і распарадчым органам) – для адзінокіх непрацаздольных грамадзян.

Рашэнне аб заключэнні дагавора аказання сацыяльных паслуг прымаецца кіраўніком тэрытарыяльнага цэнтра на працягу пяці рабочых дзён пасля атрымання апошняга неабходнага для аказання сацыяльных паслуг дакумента (звестак).
Паслуга прадугледжвае:

• знаёмства, устанаўленне кантакту з атрымальнікам паслугі;
• вывучэнне індывідуальных магчымасцей і патрэб атрымальніка паслугі праз азнаямленне з медыцынскімі і іншымі дакументамі, гутаркі з атрымальнікам паслугі (яго законным прадстаўніком, членамі сям'і), правядзенне дадатковых абследаванняў (пры неабходнасці);
• распрацоўку і абмеркаванне з атрымальнікам паслугі (законным прадстаўніком, членамі сям'і) напрамкаў і зместу дзейнасці ў перыяд нагляду;
• аказанне дапамогі ў выкананні санітарна-гігіенічных працэдур (мыццё рук, умыванне, захаванне гігіены рота, наведванне туалета, змена падгузніка);
• аказанне дапамогі ў арганізацыі і правядзенні вольнага часу (удзел у мерапрыемствах, уключаючы заняткі, прагляд перадач, фільмаў), зносіны (падтрыманне гутаркі, чытанне ўслых часопісаў, газет, кніг);
• забеспячэнне прыёму лекавых сродкаў у адпаведнасці з прызначэннем урача;
• дапамогу ў прыняцці ежы (прыгатаванне ежы, разагрэў прыгатаванай ежы, падрыхтоўка піцця, аказанне дапамогі ў прыёме ежы і піцця);
• кантроль самаадчування атрымальніка паслугі, забеспячэнне яго бяспекі;
• садзейнічанне ў забеспячэнні парадку і чысціні ў жылым памяшканні, у якім непасрэдна знаходзіцца атрымальнік паслугі (сухая і (або) вільготная ўборка забруджванняў, якія ўтварыліся падчас нагляду, у тым ліку прыёму ежы);
• суправаджэнне атрымальніка паслугі на прагулку (дапамога ў падрыхтоўцы да прагулкі, падборы адзення па надвор'і, апрананні; забеспячэнне бяспекі на прагулцы);
• інфармаванне сваякоў (законных прадстаўнікоў) аб стане здароўя атрымальніка паслугі, у тым ліку неадкладна ў выпадку яго рэзкага пагаршэння.
  Паслуга дзённага нагляду аказваецца на падставе пастановы Міністэрства працы і сацыяльнай абароны Рэспублікі Беларусь ад 26.01.2013 № 11 «Аб аказанні сацыяльных паслуг дзяржаўнымі арганізацыямі, якія аказваюць сацыяльныя паслугі» (далей – пастанова), а таксама ў адпаведнасці з Пералікам сацыяльных паслуг, якія аказваюцца дзяржаўнымі ўстановамі сацыяльнага абслугоўвання з нормамі і нарматывамі забяспечанасці грамадзян гэтымі паслугамі.