Тэрытарыяльны цэнтр сацыяльнага абслугоўвання насельніцтва Верхнядзвінскага раёна

Чароўства Каляднага балю

У рамках рэспубліканскай акцыі "Ад усёй душы" ў Верхнядзвінскім раёне адбыўся баль для грамадзян "залатога" ўзросту і інвалідаў "Чароўства Каляднага балю". Атмасфера свята, выдатная музыка захапіла, заваражыла ўсіх прысутных, дазволіўшы забыцца пра шаноўны ўзрост! Адкрылі баль пяшчотным «Ружовым вальсам», далей танчылі традыцыйныя бальныя танцы, у перапынку паміж імі ўдзельнікі мерапрыемства мелі магчымасць пазнаёміцца ​​з выставай творчых працаў грамадзян «залатога» ўзросту Верхнядзвінскага ТЦСАН, спяваць песні, паўдзельнічаць у конкурсах, гульнях.