Тэрытарыяльны цэнтр сацыяльнага абслугоўвання насельніцтва Верхнядзвінскага раёна

Інклюзіўная майстэрня "ТалентГрад" Верхнядзвінскага ТЦСАН пачала сваю працу ў рамках адзінага дня «Ад чыстага сэрца!». Для адзінокіх пажылых грамадзян і інвалідаў, якія пражываюць у в.Бароўка было арганізавана віншаванне дома "Святочнае навагодзе". Вясёлыя калядоўшчыкі: скамарохі, каза, мядзведзь, цыганка пажадалі дабра, здароўя, дабрабыту і міру, уручылі падарункі і падарылі радасць і выдатны настрой людзям!

"Роўны - роўнаму!" пад такім дэвізам прайшло віншаванне валанцёрамі "сярэбранага" ўзросту Верхнядзвінскага ТЦСАН пажылых грамадзян, якія знаходзяцца ў бальніцы сястрынскага догляду ў а.г. Асвея. Для людзей паважанага ўзросту былі падрыхтаваны падарункі: добрыя словы і пажаданні, музычныя нумары артыстаў Асвейскага СДК, прысмакі і цёплыя, звязаныя з любоўю валанцёрамі, шкарпэткі і тэпцікі!

Новыя кнігі ў бібліятэцы - гэта заўсёды маленькае свята. «Добры дзень! А мы - новенькія!», - пад такой назвай прайшоў дзень новай кнігі ў Верхнядзвінскай цэнтральнай раённай бібліятэцы. На працягу мерапрыемства наведвальнікі аддзялення сацыяльнай рэабілітацыі, абілітацыі інвалідаў знаёміліся з кніжнымі навінкамі.

Новенькія, смачна пахкія друкарскай фарбай, маляўнічыя кнігі нікога не маглі пакінуць абыякавымі. Гартаючы старонкі новых выданняў і слухаючы цікавы агляд гэтых кніг, разумееш, як шмат можна пазнаць з кніг.

У Верхнядзвінскім раённым Цэнтры культуры і народнай творчасці прайшло ўрачыстае мерапрыемства, прысвечанае 105-годдзю органаў службы сацыяльнай абароны.

У рамках рэспубліканскай акцыі "Ад усёй душы" ў аддзяленні сацыяльнай рэабілітацыі, абілітацыі інвалідаў, забеспячэння дзённага знаходжання грамадзян пажылога ўзросту і комплекснай падтрымкі ў крызіснай сітуацыі ТЦСАН Верхнядзвінскага раёна прайшла калядная сустрэча са святаром храма Свяціцеля Мікалая Цудатворца г.Верхнядзвінска.

Протаіерэй Валянцін распавёў гісторыю аб нараджэнні Ісуса Хрыста ў Віфлееме, нагадаў аб неабходнасці любіць адзін аднаго і дараваць сваім блізкім і сябрам.